好書推介（十一）
Weapons of Math Destruction： How Big Data Increases Inequality and Threatens Democracy
by Cathy O'Neil
大家如果睇過Netflix 嘅The Social Dilemma，可能會對對畫位藍頭髮嘅女士有印象：數學家Cathy O'Neil，喺哈佛大學攞到佢嘅博士學位，曾經喺各大精英院校，包括麻省理工、哥倫比亞大學等任教，亦都係華爾街嘅Hedge Fund工作過，寫了一本書之前佢亦都做過Data Scientist。
喺次按風暴前一年，佢加入左華爾街嘅金融圈工作，見證住次按風暴發生，後來認真研究數學喺當中嘅角色。其實唔同嘅演算法同埋大數據都可以令到社會更加分化、產生更多不公義。不過一般人，尤其是對數學或者演算法認識唔多，好難會睇得出。
有冇諗過，小小嘅教育改革，可以令到一班有質素嘅老師失去份工？你住邊一區，居然可以影響到你攞唔攞到銀行貸款買樓？遲咗還卡數，甚至影響你搵唔搵到工？仲有近日比較熱門嘅話題：數學系統同大數據其實可以對個別社群產生非常之唔公平嘅對待。雖然呢一啲例子主要喺美國發生，難保有一日會影響到喺世界各地唔同嘅人。
大數據本身可以好中性；但產生同闡述嘅過程可以充滿傲慢與偏見。如果唔加以糾正，長期咁落去只會導致惡性循環；少部份人嘅生活越嚟越好，但更多嘅係本身已經處於不利位置嘅人生活只會越嚟越差。
今次想推介呢本書，正正係因為最近世界各地發生好多事。亦都好鼓勵大家睇返Netflix嘅呢一個作品；社交媒體、演算法、大數據等等，不斷改變緊我哋日常生活。若然繼續咁落去，其實已經好難再分辦真假，後患無窮。希望大家仔細去思考一下。
#移民 #荷蘭 #西歐 #出國 #留學 #歐洲讀書 #歐洲工作 #歐洲生活 #閱讀 #好書 #好書推介 #睇書 #長知識 #國際關係 #讀書 #進修 #成長 #人生 #開卷有益
Search